قالولي يابن البلد دي مالكاش مكان فيها
هتتوه وسط الدروب وتاكلك حواريها
وترتعش من البرد وانت مدفييها
وتعيش ماتلقي سكن وانت اللي بانيها
-------------------------
سمعت عجب الكلام من كل من قبلي
نفس الكلام يتقال في بحري وفقبلي
وعقلي رافض يصدق
وعيوني راح تبكي
---------------------------------------------------
مشيت بعمري سنين لما الصبا سابني
وفاسي رسمت دراعي لما الشباب صابني
والحلم ملو عيوني
وغروري واخدني
-----------------------------------------------------
وبدأت المهزله والضحك والتريقه
ال ابن مين في البلد قلتله مصري
قام قالي مين واسطتك قلتله ربي
شافني عبيط حضرته بطمع اكون قاضي
وفاكر ان البلد ي كلها بلادي
-------------------------------------------------
دي اول البهدله ياحلوة يابلدي
قرصوا وداني وقلت اهي مره وتعدي
وقلت لنفسي ياواد الدنيا خد وادي
لكني كنت عبيط عقلي علي قدي
----------------------------------------------------
بقيه الحكايه في الموضوع القادم بأذن الله
موضوع: بلا وطن(بقلم المسيري) 
الإثنين مايو 11, 2009 10:44 pm
