مين اللي قال الامل من الحزن راح يدبل
ده كفايه عرق الولاد والفاس مع المنجل
بس النفوس بتشيل من الظلم والطغيان
مش قصدي والله الحسد زعلان علي الغلبان والفجر جاي بالمعاد والزرع راح يحبل
وعشق ملو القلوب وعنه روح واسال
وكل حاكم وظالم وفي حاشيته نعمان
واللي يموت من التعب وبرده مات عريان
اخاف من بدري لو يضوي
واخاف من بكره من بدري
واخاف من الحلم ليعدي
عيوني تروح منين ما بروح واخاف من دمعتي تجري
واخاف من الاهه في صدري
واخاف منك واخاف منك واخاف منكم علي ضلي
علي عمري اللي بيعدي
هها ال ايه ده سعدي
تضحك واعدي
لكن منين
والبدر حتي نسي طلعته يجي يوم بوعدي
وده كل ودي
والاقيه ده فين
والعمر ماشي واحنا حواشي يدوس علينا في سكته
ما تقول ياعمي علي في الروح يوجعك
ال ايه ليسانس وعلم واحلي كلام اسمعك
علي ايه يانيله عيون كحيله ابقي خليها تنفعك
مصر الجميله بين يوم وليله صبحت بلاد طرده الولاد وبتصفعك ده الجيب نضيف والدنيا حالفه ما تسمعك
لكن عواطلي وان يوم لقتلي حبيبه اكيد تقولي اودعك
دي حكومه شاطره واحنا في ورطه وان جيت تعاتب ده مصرعك
قلمك وحلمك خليك بغمك واتلم لحسن ترقعك
موضوع: قصاقيص الزمن الغث(0بقلم المسيري) 
الإثنين مايو 11, 2009 10:48 pm
